近日熱播的無綫劇集《一舞傾城》中，兩位「王牌媽媽生」陳法蓉和莊鍶敏，帶着一眾打扮得花枝招展的舞小姐，在燈紅酒綠的夜總會，過着紙醉金迷的日子。不過，風光背後，淪落風塵打滾的女子，要出賣色相維生，更要笑臉迎人，其實每個都是可憐人，各有唏噓的下海故事！
現實中，陳法蓉、莊鍶敏、蔡潔、姚子羚、陳星妤、鄺潔楹、文凱玲、莊思明、趙碩之及顏仟汶，都在人生路上經歷了不少，一樣各自擁有一些鮮為人知的淒慘史，從而成就了今日的她們。
身為萬國城夜總會首席媽媽生「沙律媽」的陳法蓉，率領的舞小姐，包括︰蔡潔、陳星妤、鄺潔楹及文凱玲；而這班囡囡均是超班馬，夠靚、夠後生，力壓全場。至於姚子羚則是她的助理媽媽生。
劇中，陳法蓉為幫受冤獄的丈夫唐文龍，籌錢打官司，被逼在歡場打滾，令觀眾看到眼濕濕。而她就分享一段現實中非常淒美、動人的愛情故事：「我父母昔日係自由戀愛，當時媽咪喺台灣嘅家境唔錯，爸爸係去台灣讀書嘅窮學生，最終媽咪唔理家人反對，打工去支持爸爸，後來仲跟爸爸私奔來香港。縱使佢喺香港冇朋友、家人，但為咗愛情，媽咪義無反顧。」
陳媽媽為愛勇往直前，更為腹中的BB，拼命跟病魔對抗。她憶述︰「我得好幾歲時，知道媽媽有癌病，但當時佢懷咗妹妹，都堅持要保住個BB，後來佢生咗妹妹後，第二日就離世。我記得媽媽走時，我才得八歲。佢喺醫院後期時好辛苦，甩頭髮，又會嘔，我遺憾冇同媽媽講bye bye。至於爸爸亦係好難過，成日以淚洗臉，好多媽媽嘅事，都係後來從爸爸口中得知。」
媽媽的離開，陳法蓉以為自己早已放下，但原來傷痛一直積存在內心的深處；之後，因為朋友移民、男友分手、寵物過世，又或好友羅慧娟病逝，情緒便會加倍受到衝擊，「我好怕面對，仲想盡辦法去逃避。」幸好有宗教信仰，她最終才得以釋懷！
劇中，姚子羚（Elaine）飾演見習媽媽生「Michelle」，原本是警員，因要查案混入萬國城夜總會做卧底，跟隨陳法蓉搵食。由於她要接近楊明查案，過程中同蔡潔展開了一段三角關係。雙重身份的她，後來跟一眾舞小姐建立姊妹情，令她感到十分矛盾。
現年四十一歲的Elaine，自從一八年和拍拖三年的鄭子邦「的士邦」分手後，雖然一直沒有公開新戀情，但原來身邊卻不乏追求者，只是部份追求者的猛烈攻勢，嚇怕了她！不過，說到最深刻的一段情，就是她拍拖四年的初戀：「當年，在澳洲讀書時，認識咗馬來西亞嘅男朋友。不過，畢業後各自返回自己嘅地方，經常相隔異地，拍拖四年後分手，當時都好傷心o架！之後，佢仲結埋婚、生埋仔，有自己家庭。o依家我哋都仲有聯絡，以前想過再一齊，但又唔啱timing；反而佢o依家離咗婚，在香港工作，打理家族生意⋯⋯」問到可會舊情復熾？她直說：「已經沒有以前嘅感覺，但將來嘅事冇人知。」
而Elaine目前經歷人生最慘痛的事，就是舅父過身，她說：「大概八年前，雖然已經有晒心理準備，當年我開緊劇，要向劇組請假返台灣，嗰時佢已經冇晒反應，插緊喉⋯⋯我想喊又唔能夠喊，因為屋企人話唔好將眼淚滴喺佢身上，但一離開病房，即刻爆喊，同舅父生前嘅畫面浮晒出來。」
近日熱播的無綫劇集《一舞傾城》…
