藝人張致恒（Steven）同太太雯雯因婚姻問題、家庭財務等事，多次喺社交網做出異於一般家庭嘅大爆料，當網友都係佢地屋企一分子咁開心share，近日Steven就透露自己喺茶餐廳工作，要派傳單同擔任外賣仔。以為佢出嚟做嘢，屋企收入又會穩定，點知雯雯今日（16日）又嚟料，喺社交網大爆屋企被Cut電力！
雯雯黑底白字，怒吼被冇電用：「要發生嘅，終於都發生。你終於都令到屋企發生畀人Cut電，完全已經唔係容忍嘅範圍之內。小朋友又冇得煮嘢食，又冇熱水沖奶，不停喊，請問你想我點？!」而月前張致恒曾於網上「乞錢」，望解決燃眉之急，依家出嚟開工都搞到Cut電，佢哋一家6口嘅情況令人擔心。
