《亞洲超星團》開播了一段時間，其中香港代表丁子朗（Karl）和冼靖峰（Archie）較受關注，近日冼靖峰接受媒體訪問，談到參加選秀原因，更重提去年拿沙士講笑被轟風波的感受。
在2022年1月時，冼靖峰在網上開Live演唱時，口出狂言「03年？即係沙士死剩種呀，係咪呀？」，隨即引來各方鬧爆，人氣急跌！事過境遷，再問他如何審視當日行為，他亦表示已反省過錯，更坦言一定有迷失，「都用咗好長嘅時間去沉澱，咁呢一段時間我都諗咗好多嘢，甚至心態上我都有調整。」在這段時間，他透露得到不少前輩教導，使心態上愈來愈正面，「愈來愈覺得睇清楚自己需要啲咩嘢去令到自己進步。」
另一方面，有網友更覺得冼靖峰參加《亞洲超星團》是想洗底，在失言風波後尋找另一事業出路，他亦剖白參加《亞洲超星團》真正原因，他指初時沒打算要參賽，加上不擅長跳舞，不過直至到比賽截止報名前，他坦言想尋求突破：「重新去玩一個比賽一個選秀，嚟磨練自己」。
不少網友恥笑冼靖峰舞技差似「機械人」，他都有惡補特訓，搵老師去加強基本功。」對於網民一面倒的評價，冼靖峰早前在台慶親回應：「都唔係比人笑咁簡單，我自己都笑自己」，又表示：「其實我睇翻當時嘅直拍，都覺得好好笑，真係跳到好似機械人咁」，直程笑埋網民個份！而冼靖峰對於網民們對自己的嘲笑亦十分睇得開，更表示：「從唔同嘅評論當中搵到自己一啲缺點，咁我自己睇都覺得唔得啦」
對於選秀過後的種種成長，冼靖峰表示開始理性看待不同意見，又指「可能他們大家都係有他們嘅standpoint，有他們嘅reason，有他們嘅rationale，但係當我們明白咗佢背後嘅原因之後，其實兩個都可以係啱㗎。」 他又指在比賽中最大得著是覺得賺到心態上怎樣做藝人，包括調整心態，在不同時候遇到低潮或者高潮時，學習怎樣去調整自己心態。「我點樣去令到我自己處於一個最好嘅狀態，去喺舞台上表演畀大家睇。」
文章版權為新傳媒集團所擁有，原文請按： 网页链接
