曹永廉（阿廉）在無綫劇集《破毒強人》中以神秘角色現身，阿廉要去到劇集中段才出現，戲中雖然與蕭正楠、張曦雯聯手對付陳豪與胡定欣，但角色卻忠奸難辨，難以看透。劇中有不少動作戲的他說：「今次有槍戰、動作戲，以前古裝就拍得多，但近年就好少拍，其實我動作戲係好差，手腳唔協調。」阿廉又自嘲年紀大機器壞無意多拍動作戲：「年紀大，早幾年又做過心臟手術，跑幾步喘氣，可以嘅話就少啲激烈啦。」
阿廉與阿蕭平時經常互窒，觀眾相當受樂，但今次角色卻相當正經，不苟言笑，他說：「今次同阿蕭嘅對手戲都係正正經經，但係一停機就亂噏。」近期他除了到內地登台與擔任阿蕭演唱會嘉賓外，亦多抽時間打理內地的宣傳公司增加「安全感」，他說：「搵多幾條出路，淨係拍嘢又唔夠安全感，會分啲時間喺內地發展。」
