《愛回家之開心速遞》昨晚一集Bonnie（林凱恩 飾）和蔥頭（丘梓謙 飾）終於公開戀情，男方早就向杜演（李啟傑 飾）坦白二人關係，希望他不要再追Bonnie；沒想到杜演在工作上向蔥頭報復，又以「拆彈」為由假扮自己才是Bonnie真正的男朋友，千方百計想得到她的芳心。
杜演在昨晚一集壞事做盡，除了在片場「搞鍋」蔥頭的髮型之外，又不斷NG累Terry（李偉健 飾）狂摑蔥頭，摑到面紅兼流血先收貨。隨後，杜演為掩飾蔥頭是Bonnie男朋友一事，竟在記者面前謊稱自己才是與女方拍拖多時的人。杜演收買堅慌（陳俊堅 飾）、頭皮（吳卓衡 飾），著他們起哄，要二人在生日會上咀嘴，Bonnie陷入尷尬之苦但又不敢出聲，蔥頭即時現身阻止；蔥頭教訓杜演，把他的頭硬塞入蛋糕中，仲當住眾人面前兩度咀嘴Bonnie，戀情曝光。
睇預告片所見，今晚一集，由於蔥頭和Bonnie的接吻照廣傳，形象大受影響，廣告代言被撤換，連「忠粉」大小姐（林淑敏 飾）都呷醋而取消贊助《揸流攤》的拍攝工作，但蔥頭面對潮偉（袁文傑 飾）時，揚言絕對不會為此而跟Bonnie分手。
對於「蔥Bon戀」終於名正言順公開，丘梓謙於現實生活中同樣跟蔥頭一樣，早就大方承認跟麥皓兒相戀，兩人感情穩定，拍拖接近10年。丘梓謙接受《晴報》電話訪問表示：「蔥頭呢個角色塑造成好孝順、乖巧，係好體貼嘅偶像，除咗對Bonnie好，對熊尚善、大小姐同Fans都好溫柔體貼，絕對係模範男仔，越寫佢就越多人鍾意，真係好多謝編劇。（拍咀嘴戲女友皓兒會呷醋？）唔會呀！因為我哋成日都研究劇本，佢仲嫌我唔夠Sweet！畢竟我同皓兒拍咗拖差不多10年，已經有老夫老妻嘅感覺，但我同Bonnie應該要有初戀嘅感覺，所以皓兒叫我演戲時要『加甜』。」
除了接吻戲之外，其實被Terry的掌摑全都是「打真軍」，丘梓謙說：「好明白真打真實感會好好多，打幾吓唔會打暈或者打死。李偉健真係好好人，每次打完都問我有冇事。」他笑言由於真打，也真的留下紅色掌印，近鏡見到的紅痕並不是化妝。
