無綫劇集《法言人》昨晚（12日）大結局，劇中演員馬國明與林夏薇在將軍澳電視城睇大結局，正忙於拍新劇《NEWS新聞女王》的馬國明亦能及時趕到出席，笑言只能請1小時假參與。問到可希望拍續集？他指要問監製，兩人能成為大家喜歡的CP感到高興。薇薇指甫劇中婚照時反應熱烈，沒想過有如此化學作用。
問到馬國明與湯洛雯的婚照是否已拍攝？他說：「未影呀，安排緊去影，要同公司攞期，今次攞1個鐘唔得，因為要出埠影。」問到會否參考劇中婚照？他說：「阿湯有自己嘅idea，我都覺得幾好、幾特別。」至於他的喜好：「佢鍾意我就鍾意，男仔好多時都冇乜想要咩模式婚禮，都係就女仔想要，盡量去滿足。」薇薇則指與老公結婚更自由，夾到時間就結婚。
問到否要Keep Fit影婚紗相？馬國明說：「唔使，又係要除衫影，自己一路都有運動習慣，阿湯就每日都喺屋企玩跑步機，佢都好勤力，女仔都想影婚紗相愈Fit愈靚就最好。」
