視帝陳展鵬客串無綫劇集《法言人》在首集與大結局亮相大派「彩蛋」，今晚（12日）在將軍澳電視城與眾演員齊齊睇大結局直播，無綫總經理曾志偉到場打氣，席間總監制劉家豪正式公布《逆天奇案2》已經開拍，又邀請「金師爺」馬國明為劇集客串，讓角色在不同劇集中互相穿插，給觀眾驚喜。
已經為《逆2》開工的展鵬以鬚根Look造型示人，搞爛Gag笑言愈多鬚根會愈多騷。講到《逆》第一輯至今仍是無綫劇集在內地的播放冠軍，拍攝續集會否有壓力？他說：「冇壓力，反而開心，因為反應好先有第二集。」他透露《逆2》今次加入不少近年轟動一時的奇案，問到是否有烹屍案情節？他則說：「我唔敢講，因為唔同名嘅，只可以講香港、國際嘅案件都有，雖然我係做O記，但係以為自己拍緊《法證先鋒》，好多對白要記，亦好開心同方力申合作，大家都係運動員出身。」
