歌手張致恒（Steven）與老婆雯雯婚後3年抱3，可是Steven婚後一直是非不絕，近日雯雯又不時在社交網放負，疑似發表離婚宣言：「已經到咗我極限，全部嘢，已經到咗我底線，唔需要估，唔係玩女人，唔係又有第二個，好簡單性格，溝通唔到容忍唔到！」當有網民留言慰問，雯雯即說：「其實承受唔到，所以先至放棄！」
婚姻未順，雯雯卻感到人間暖流，她昨晚（2日）在社交網上載大仔同二仔坐住雙人BB車照，並寫：「好多謝社交網嘅媽媽，好有愛，咁大份嘅禮物，我哋終於有一架雙人車，呢架好正，唔係太大，好方便。」然而，Steven當然繼續冇影。
