藝人湯洛雯同視帝馬國明婚禮舉行在即…

藝人湯洛雯同視帝馬國明婚禮舉行在即，呢對未婚夫妻就日日過得夠甜，湯洛雯直頭一手包辦婚禮，唔使未婚夫馬國明操心，未嫁人就已經錫到未來老公燶。尋晚（29日）中秋節，佢亦晒出多張天台同月光合照嘅靚相，成功瘦咗20磅嘅佢明艷照人，佢身在嘅天台更被網友估係佢同馬國明嘅新愛巢，而湯洛雯拎燈籠被拍時，牆上出現揸機者個影，網民推測輯相應該都係「未婚夫視角」。佢出post後，馬國明秒速留言：「有月光……🥰🥰🥰」馬國明唔使出鏡都夠「閃親」網民！