藝人張致恒（Steven）同老婆雯雯4年抱4…

藝人張致恒（Steven）同老婆雯雯4年抱4，Steven日前就指自己做咗結紮手術，又被拍得舉家行大型玩具店，畀仔仔感受家庭溫暖，不受外間對父母感情嘅質疑、紛擾。一轉眼，原來Steven細仔「四王子」出世滿月，佢同雯雯都分別喺社交網上載抱BB嘅相，被大讚變番好爸爸嘅Steven亦一臉慈愛樣攬住阿仔，仲透露囝囝改名「天樂」。不過今次二人都未有上載全家福，網友就估可能係太多小朋友難控制，加上自己喺屋企低調慶祝冇人揸機，所以今次未見Steven同雯雯合照。