視帝馬國明、譚俊彥(Shaun)、郭晉安及黃子恆日前出發到美國登台，馬國明與Shaun接受無綫娛樂新聞台訪問時賣口乖指跟「安哥」（郭晉安）去搵食，點知安仔則笑言：「我跟馬國明去搵真銀呀！佢成日都話要搵真銀，多謝佢帶挈我呀！」一眾視帝互笠高帽，搞笑非常。
而馬國明接受東網訪問時謂：「我依家都仲喺美國呀！好開心，好耐都未嚟過呢邊登台，今年都好好，有返內地同其他地方登台，搵番啲錢結婚嘛，希望嚟緊會再多啲啦！」馬明指現場氣氛非常好，全場坐滿，大會都相當滿意。而出發前，Shaun為囝囝慶祝6歲生日，一家幸福非常。
