藝人陳貝兒昨晚（3日）擔任無綫慈善節目司儀，本來瘦削的身形明顯清減不少，她坦言近日因工作頻撲，加上要鍛煉體能而減了約5磅：「因為嚟緊要出發拍攝節目《無窮之路》第3輯，今次會帶大家走得更遠，一去就2個幾月，不走回頭路一口氣完成所有拍攝。（擔心再次發生高原反應？）呢個反應一年一度嘞，哈哈！所以咪要準備好體能囉，希望今次捱得住。」她又表示正為準備兩個月的物資及行李而大感頭痛。
由於今次拍攝期長達兩個月，在內地吃得開的她又一直工作不斷，故今次要推掉不少商演才能讓出檔期：「完成所有拍攝，先再繼續搵錢啦。而《嫁到這世界邊端》亦有可能開拍新一輯，依家手上都有啲新個案嘞，而昔日嘅主角太太們一路增添新家庭成員，喜事重重，所以大家都希望趁節目開第二季嚟番次『合體』。（佢哋咁多喜事，都希望沾染埋妳？）好吖，不過真正開拍相信最快都係明年嘅事嘞。」
