熱愛跑步嘅國際巨星周潤發（發哥）雖然冇玩社交網，不過就成日畀跑友野生捕捉，早前係佢跑步嘅影片中，更可以見到佢黑色緊身運動服下嘅Fit爆好身材，若隱若現嘅6舊腹肌更係引人遐想。而成日熱衷鼓勵大家行山跑步嘅發哥，大帽山更成為捕捉佢嘅「網紅景點」，當中係大帽山郊野公園經營茶水亭28年嘅「大帽山連姐」，更係發哥相識多年嘅山友！
而係3年前投標落敗被迫搬遷嘅連姐，係今年終於成功中標回歸舊舖位置，並喺社交網晒出同發哥嘅合照，直呼：「我好幸福啊！」表示發哥昨日（6日）到大帽山連姐茶水亭攤位為連姐拍照，更問道：「係咪超正呢？多謝發哥的厚愛！」
