一直被視為「黑馬」的羅啟豪（「英國豪」）…

一直被視為「黑馬」的羅啟豪（「英國豪」），果然愈戰愈勇！對於今次奪得季軍，他表示是自己意料之外，但已經圓夢：「盲舂舂參加呢個比賽，諗住博一鋪，因為我成世人都未參加過歌唱比賽，到咗呢個年紀機會係會愈來愈少，經過漫長的六個月，係經歷過好多起跌，真係冇諗過入到三甲，絕對係好開心、驚喜，所以心情好複雜。」
問羅啟豪會如何慶祝？他搞笑的說：「首先，我要食番餐勁嘅，同埋要瞓番覺好！好多人都知道我好為食，為了保持水準，呢個比賽都有戒口，期間都有做運動。我比賽初時真係肥腫難分，呢家都有人以為我減磅，我諗係壓力，同埋喺電視城走來走去，每日都可能走咗幾萬步。」
此外，他還表示感激家人到場支持，見證獲得季軍一刻。而一直在英國生活的他，透露會留港發展歌唱事業，並表示會將之前在倫敦購入、僅住了兩天的新屋放租。