甘草演員程可為早前為港台拍攝劇集《我們的畢業禮》時接受《香港01》訪問，她透露在2年前與效力50年的無綫約滿，而無綫決定不再包薪形式與她續約，改簽 「一年一騷」，她直指最初也難以接受好像被人離棄。
今日（31/3）程可為現身將軍澳電視城出席無綫新劇《非常檢控觀》造型記者會。她再次接受《香港01》訪問時表示：「今次係我返嚟演嘅第一部劇，不過喺一年之前我係有幫無綫拍過《隱門》，而呢套仲未排到出街。不過工作量還可以啦，始終自己年紀都大，都怕自己都應付唔到，變咗有得做就已經好開心。雖然同無綫簽咗一年一騷，但我覺得又幾好，因為可以逐個騷計喎，唔係話有底薪就會有多演出機會喎，相反我而家咁樣，戲份重反而會多。點解呢？因為你次數少，嗰條數又會喺番度嘅，加上自己又唔使咁辛苦，相對我就會覺得好舒服。」
