藝人謝東閔今日（26日）…

藝人謝東閔今日（26日）現身活動跟《中年好聲音》參賽者合唱，他寄望可以在音樂上多發展：「我會同吳業坤一齊開間音樂中心，未必係我哋教，會請老師教，可以有時間會客串吓分享自己經驗。」他稱會爭取多唱劇集主題曲，又透露已錄了一首新歌，但因忙拍劇未有時間派台。問到何時跟女友朱智賢拉埋天窗？他大耍太極說：「搵多啲錢先，搵到夠為止，心入面有個數，但對我嚟講結唔結婚都只係一張紙。（你問過女友未？）我唔敢問，你哋問。（有冇傾過結婚？）冇傾過。」