潛水接近4年的黃心穎在昨日宣佈以跳唱歌手身份復出，而另一邊廂，鄭秀文亦忙於為主演的電影《流水落花》做宣傳。今日鄭秀文就連同陸駿光、導演賈勝楓及兩位小演員出席謝票活動，並且開口回應黃心穎復出一事。
當被問到有關黃心穎預告將於情人節復出，並且即將推出新歌進軍樂壇一事，鄭秀文大方回應表示：「我就唔知道呢個新聞，但我都覺得每個人都應該有個開始嘅，無論經歷過咩都好，其實每一個人都個機會去新開始。」
以上評論一出，大批網民都馬上留言大讚鄭秀文的回應夠大方得體，亦有網民表示更加好奇許志安會有如何回應黃心穎復出一事：「Respect Sammi’s 量度及EQ!」、「安仔比d反應啊」、「Sammi你好正呀！」等。
記者們亦有問到鄭秀文有否為情人節做任何準備，鄭秀文表示自己最近太忙，沒有作任何準備：「冇（準備）喎，因為近排好忙，所以冇特別預備慶祝節目。（咁洗唔洗燭光晚餐啊？）咁又唔洗燭光，簡簡單單鹹魚白菜就得。」當被問到許志安有冇送上禮物作表示時，鄭秀文就表示：「唔洗啦，我覺得平凡度日就得喇，平凡最好。」
劉德華在日前訪問時亦提及到偏心鄭秀文奪影后，鄭秀文笑指感激劉德華一路的支持，並稱對方為自己的伯樂：「多謝佢咁多年嘅支持，當年同佢一齊拍喜劇，都對我成個事業嘅里程碑都幫助好大。其實華仔都唔只係我好朋友，都算係我嘅伯樂。佢嘅加持都帶俾我好多愛。」
文章版權為新傳媒集團所擁有，原文請按： 网页链接
