無綫花旦高海寧近日就孖住「美女廚神」陳曉樺去咗馬來西亞玩，佢兩個專登揀喺當地度過2023年嘅第一日，仲夾好晒靚衫玩姐妹裝，同為有料之人嘅陳曉樺同高海寧一齊大晒事業線，真係令網友大飽眼福！見高海寧剪輯一條旅行片，二人以多套deep V、超緊身套裝、大露背晚裝等，日日挑戰性感極限，加上佢哋約埋出海時，換上超索比堅尼已經係「例牌貨」，片中更有一段影住高海寧着住緊身crop top喺度跑，上圍10級地震睇到網友眼凸，幾秒鐘就已經「值回票價」。
尋晚（31日）佢哋就去咗酒吧玩，雖然今次佢未有以超索打扮上陣，不過佢一出現都已經吸引全場目光，大批酒客都已經想蜂擁上前合照，又與眾同樂齊齊舉起電話開燈倒數，更high爆上台高歌一曲，全場即掌聲如雷，佢亦非常盡興，睇嚟呢個2023年佢已經開咗有個好頭！
