藝人陳星妤憑劇集《一舞傾城》而人氣急升，她今日（25日）以低胸及露腰打扮現身藝術展，她稱服裝只是應大會要求，但承認因角色而令工作及曝光機會大增，講到性感底線，她說：「三點不露，我都唔係咁開放。（劇集製作人王晶冇游說你性感啲？）佢今次已經手下留情，叫我飾演處女，處女都唔會露太多。」
她預告下周劇情發展，將會跟關楚耀有激情場口，問到是否只有一秒激情？她否認：「我哋會有床戲，拍咗好多，但唔知會剪成點，拍攝時尺度都係大膽，關楚耀冇着衫，我都有啲嘢睇，相信能滿足大家嘅眼球。（如果王晶搵你拍電影，肯唔肯再性感啲？）咁觀眾反應要再熱烈啲。（想做晶女郎？）依家啲人都叫我做晶女郎，覺得幾新奇，我由最後一個處女變咗做晶女郎，我都好喜歡電影，希望有機會喺電影方面發展。」
