藝人高海寧（高Ling）及陳曉東（東東）今午（4日）出席桌球活動，高海寧於剛播竣的無綫旅遊節目《吃貨橫掃曼谷》內，被指獲「少年食神」林澄光「剃髮示愛」，對方曾公開表示「不如喺兩邊剃KL （高Ling縮寫）吖！」高Ling笑言：「咁佢真係搞錯嘞，如果係應該剃SK（Samantha Kong）先啱喎，我有叫佢剃BKK（曼谷縮寫）。（唔介意緋聞被舊事重提？）唔介意，因為佢冇追過我。」她又指該節目收視不錯，或會添食：「如果有得畀我揀，希望下次去日本，聽江美儀講，日本都好多素食餐廳好正。」
而東東與剛認愛的方力申同場，他與小方私交甚篤，早前小方更擔任東東演唱會嘉賓，對方好友宣布拍拖，東東搞笑表示：「結婚？（拍拖啫。）哦。（佢女朋友曾經遭性侵。）我對事件唔清楚，作為朋友都唔會隨便過問人哋嘅事。」而東東指今次返港準備錄製新歌，提到早前被指送名貴包包及大束鮮花氹爆太太，他笑言：「哎呀，唔好講呢啲啦，我唔錫佢錫邊個？」
