周星馳向來都是香港電影票房靈丹，其主演的作品套套都是港人集體回憶，與星爺合作無間的田啟文（田雞）接受文雋網上訪問時，大爆星爺將來必定會復出拍戲，親自擔綱上陣。
談到星爺，田雞表示：「佢團火仲喺度！」他相信對方一定會復出演戲，但大家還要等多幾年，預計星爺會在65歲之後再有幕前演出，田雞說：「我認識嘅佢熱愛演戲，但要脫離以前任何一個角色，不要有任何以前嘅影子，大家唔好再諗番以前嘅周星馳係點！」意咪星爺未必再無厘頭。
星爺當年宣傳電影《美人魚》時，被問何時復出演戲，他說：「算罷吧！都幾十歲，一把年紀啦！」但之後又改口：「我目前先專注做好導演嘅工作，做導演比演員演得更多，因為大小角色都會由導演來演一次給演員看，不過，做演員呢團火，從來都冇熄過！」很多Fans都期待星爺會有親自演出的新作推出。
