視后唐詩詠及黃智雯離開無綫後，分別涉足舞台劇界，詩詠近日正積極為月底公演的舞台劇《妻迷》綵排，昨日於社交平台分享戴上吊威吔裝備的照片，導演甄詠蓓受訪指全副武裝的原因，原來是為了保護詩詠，她說：「套劇會有好多肢體動作，有啲仲會係幾激烈嘅動作，所以安排咗武術指導，同埋上齊裝備去保護佢。」
詩詠於舞台劇界屬初哥，甄詠蓓大讚她「夠膽」、「夠開放」，進步神速：「好多演員都會擔心舞台劇冇得NG，但佢唔太驚，加上對手係資深舞台劇演員朱栢謙，所以令佢更加放心，呢個劇係一齣幾複雜嘅戲，一般舞台劇女演員接到呢個角色都可能會有少少驚，但佢好得意，好似唔識驚，同埋佢有一樣嘢好好，就係好肯接受意見，好開放咁去做，令佢嘅進步好快。」
