由金牌編審張華標重返TVB操刀、並夥拍昔日《巾幗》系列好拍檔方駿釗（嘟嘟）監製的無綫台慶劇《巾幗梟雄之懸崖》，即將登場。《巾幗梟雄之懸崖》原本屬意黎耀祥和鄧萃雯這對黃金組合再度合作演戲經典，可惜鄧萃雯與無綫「傾唔掂數」，故未能成事，最後由另一視后胡定欣頂上。
自無綫官方於上周釋出首輪劇集預告後，在網絡迅即引爆熱話！網民對於胡定欣與黎耀祥第八度合作期待，大讚二人火花十足，單憑預告片剪輯出來的精華片段，已能感受當中的劇力；定欣除獲讚造型靚爆鏡，網民更直指她與祥哥第八度合作已是劇集的最佳信心保證，網民留言：「默契越嚟越好，呢對最佳拍擋真係冇得輸」、「場景、服裝…所有嘢都好靚」、「有定欣同祥仔鬥戲一定會超好緊張好睇，好想睇2位嘅演技交鋒。」
據知定欣與祥哥在《巾幗4》中除有大量精彩對戲場口，二人還會攜手合唱《巾幗》經典情歌《紅蝴蝶》，為了精益求精，兩位大忙人更專誠抽空為歌曲二次錄音，希望能唱出感動人心的歌曲配合劇中的感人情義位。對於兩大好戲之人繼《大太監》後再度合唱劇集歌曲，網民大表期待，並在網上燃起新一輪「巾幗」與「梟雄」的情意風暴：「期待重新編曲後嘅《紅蝴蝶》，更加期待七爺同柴十七『留守最尾一起哪怕歷劫』嘅感情同故事」。
其實定欣除了與祥哥甚有緣份，與《巾幗》系列及張華標編審亦然。定欣16年前原本並不在《巾幗》第一季的演員名單上，但因為飾演海棠的女演員突然懷孕要辭演，定欣才臨危受命獲當時的劇集監製李添勝致電要求幫忙接演海棠，與祥哥飾演的柴九有大量對手戲之餘，亦與鄧萃雯飾演的四奶奶有對手戲，最後海棠更嫁給柴九成為夫婦。定欣受訪時笑言，當時的拍攝很好玩：「好開心有份參與，嗰時主要同祥哥多啲對手戲，好難忘，好記得有啲場口好有趣，尤其喺走廊度勾引佢、捉弄佢、又錫佢，柴九就次次都好驚。」
