TVB處境劇《愛·回家之開心速遞》有不少深受觀眾歡迎的CP組合，其中最受歡迎的一對非呂慧儀及張景淳組成的「龔水CP」莫屬。適逢昨日（20日）係520，呂慧儀就在社交平台孖張景淳大放閃光彈，引來網民紛紛留言大讚，更有不少人因為1物件猜測「龔水CP」係唔係已經撻著！
呂慧儀昨日在社交平台上載一段新片，影片開頭標註係2020年，然後就係呂慧儀對鏡自拍，然後就係張景淳入鏡man爆箍住兼攬實呂慧儀。而影片的後半段就係2人2024年經典重現，同樣由張景淳箍住呂慧儀然後再攬到實一實，趁住520高調派閃光彈！
2人大放閃光彈嘅影片除咗引來大家留言激讚sweet到爆之外，更有不少網民發現2人的無名指上都戴住同款戒指，令「龔水CP」的fans齊齊留言估2人係唔係已經撻著：「今年多咗對戒指 好甜啊」、「睇嚟要準備結婚了」、「總覺得已經一齊了」、「直接變張生張太吧」、「怎麼真真的」
文章版權為新傳媒集團所擁有，原文請按： 网页链接
