「億萬駙馬」伍富橋與富貴老婆梁兆楹（Shirley）拉埋天窗已經2年，伍富橋就結婚兩週年之際為老婆連環送上驚喜，不僅翻唱了太太最愛的Twins歌曲，還選擇在高級餐廳為愛妻準備了一場浪漫的燭光晚餐。不過咁都比唔上伍富橋送畀太太嘅巨型鑽戒搶fo，就連太太睇見都忍唔住質疑老公財自何方……
伍富橋與老婆「撐枱腳」時驚喜送上巨型鑽戒，當梁兆楹發現禮物竟是一枚閃耀的水滴型鑽石戒指時，更嚇到連環問老公點解有咁多錢：「點解嘅？邊個買畀你？邊個叫你買呀？」「邊個畀錢你買呀？」「你自己攞錢出嚟買？點解你會有咁多錢嘅？」梁兆楹甚至懷疑這枚鑽戒的真偽：「真定假㗎？水晶嚟呀？咩呀？Mom畀錢你重新鑲呀係咪呀？冇可能！冇可能！你點解會有咁多錢？」不斷質疑伍富橋財自何方。
對於老婆質疑大過感動，伍富橋事後在社交平台上幽默表示：「我幻想嗰啲感到、流涕、擁抱，係唔會出現喺我老婆身上。」更表示：「睇嚟要再努力啲搵錢」
除了豪送巨型鑽戒畀老婆外，伍富橋仲喺社交平台驚喜翻唱Twins的歌曲，並表示：「送給我老婆她最愛的Twins」伍富橋更在影片中貼出老婆的照片，邊唱邊冧爆甜笑獲網民大讚：「點解可以咁sweet」「好肉麻啊」「有個咁sweet嘅老公真係好」「好羨慕！！」
文章版權為新傳媒集團所擁有，原文請按： 网页链接
