TVB節目《獎門人感謝祭》日前已完成最後一集的錄製，獎門人曾志偉更大賣一班「獎老」同嘉賓去食宵夜慶功！不過今次「萬歲」嘅竟然唔係曾志偉，而係同場嘅王祖藍，仲連「東張女神」都幫手齊齊氹佢請客……
《獎門人》齊集食宵夜當晚，《東張西望》亦派出女神鄧凱文前去訪問。而當黃建東表示希望「萬歲」傳統可以傳到《福祿壽訓練學院》時，阮兆祥則笑稱：「我荷包（曾志偉）冇佢咁脹！」點知曾志偉竟表示：「祖藍脹過我」而鄧凱文採訪期間亦興奮胸壓王祖藍，最終令王祖藍鬆口大方埋單！
除咗幫曾志偉氹點王祖藍請食飯外，鄧凱文在訪問嘉賓時，亦連環「賣大包」！鄧凱文烏低提問時澎湃嘅上圍就超級搶fo，令唔少觀眾都表示：「實在係太出眾」「到底啲嘉賓點樣忍得住唔望」「而家做訪問福利咁好嘅」「我都想做祥師兄同王祖藍！」
現年23歲的應屆港姐鄧凱文（Eris），在參選香港小姐後人氣急升，早前更獲安排成為《東張西望》的主持之一。而成為新晉東張女神嘅鄧凱文亦十分識做，經常喺社交平台大派福利，成功收穫唔少網民嘅喜愛！早前鄧凱文再性感出擊，狂派愛心胸福利，令一眾網民忍唔住齊齊留言激讚！
文章版權為新傳媒集團所擁有，原文請按： 网页链接
