馮盈盈昨晚（30/4）現身尖沙咀出席無綫熱播劇集《逆天奇案2》收視慶功宴。對於《逆天奇案 2》上周22日至28日連續 3 周收視上升，跨平台直播收視最高 21.9 點（142 萬觀眾），較上周增添逾 4 萬觀眾，力壓其他節目及劇集成收視之冠。
被問到一登場就令收視爆升，馮盈盈接受《香港01》訪問時謙虛說：「你唔好俾個咁大嘅高帽我戴，我相信你係講埋啲客套說話。我覺得劇集節節上升，絕對完全唔係我一個人嘅功勞啦，反而係成個台前幕後所有人嘅功勞。自己都有留意個收視，咁睇落去大結局隨時30點。（30點有咩獎勵觀眾？）就等陳展鵬同林夏薇帶頭睇吓有啲咩福利俾觀眾。」
