37歲陳家樂去年4月迎娶35歲連詩雅（Shiga），二人日前慶祝結婚一周年，準媽媽連詩雅於社交網分享美照，只見Shiga穿上白色吊帶短裙，悉心打扮慶祝紙婚！
縱然已懷孕25周，連詩雅面部不但未有水腫，長腿女神依然手腳纖瘦，身形弗爆，完全是「肥B唔肥人」，認真是得天獨厚，難怪網民們紛紛大讚準媽媽連詩雅愈來愈靚！
此外，陳家樂夫婦分別於社交網大放閃，家樂對愛妻發表愛的宣言。當中她寫道：「個個朋友都話我上世唔知做左咩好事，娶左個咁好既老婆，我覺得唔止上世，應該係做咗十世善事先可以今世成個大爺咁。」
他更向老婆表示旅行蜜月要等多陣，因為她有重要的任務，冧爆的Shiga即留言謂：「Love you，期待」
至於連詩雅就分享去年的婚照，她寫道：「A year ago today，眨吓眼就過咗一年，好似係尋日嘅事，緊張咗一整日，事前好多嘅功夫，但係望返轉頭，覺得係個一世都會記得嘅回憶！轉下眼我哋將踏入另外一個身份，希望一切都順利，一家人開開心心，身體健康，繼續互相包容，互相愛護，一齊成長」
