曾演劇集《狀王之王》、《一舞傾城》等「晶女郎」文凱玲（Connie）在3月14日白色情人節與圈外男友結婚，當日Connie身穿金龍金鳳牡丹褂后、全身金器貴氣出嫁。
在今日（4月24日），「升呢」為人妻才1個多月的文凱玲，宣布將再「升呢」做媽媽。近日，懷住孕肚的她忙於為將出生BB購買物品。
現年41歲的文凱玲回覆傳媒表示：「由細到大都好鍾意BB ，細個仲諗18歲就要生第一個，結果28歲38歲都未有。幾年前訂婚之後就已經開始計劃生BB，但係又諗住想結咗婚先，因為疫情同工作關係一等又再過咗幾年。」
她透露，在婚禮前已開始展開「造人計劃」：「聽好多人話唔係想有就有，所以籌備婚禮嘅同時亦都開始造人計劃，結果好快就有好消息！屋企人都好開心，阿媽成日都煲湯俾我飲，奶奶準備咗好多BB衫同書。」
文凱玲更表示，有不少人問她「攪出人命」秘訣，說：「最近個肚越嚟越明顯，好多人恭喜我嘅同時亦會問點樣備孕。」
