姚焯菲（Chantel）今日（22/4）現身藍田出席母親節活動。Chantel接受《香港01》訪問時透露母親節前會飛往新西蘭上學，故未能留港和母親慶祝：「我好希望臨走之前可以煮一餐好餸畀媽咪食，我知到媽咪佢好鍾意食西蘭花同帶子，到時我會到街市親自買餸，好記得以前我細個嘅時候，我有同過工人姐姐去街市買餸，咁所以唔會覺得陌生。到時候買完餸之後，我係會親手下廚去煮，唔係話炒埋一碟就算，我係會認真咁去煮，加上有向嫲嫲偷師學煮餸，相信煮咗出嚟一定會好好味。」
被問到要兼顧工作同學業，加上又要面對媒體的追訪會否感到壓力？Chantel直言感到忐忑：「講真係有啲唔慣，因為始終喺新西蘭嗰邊比較安靜，冇人會咁樣問我問題㗎嘛，但返到嚟我就覺得好似好多人，變咗有時候我都會有少少緊張。」
