去年喺台慶頒獎禮奪「最佳女配角」嘅蔣家旻，16日突然喺社交網分享喺醫院打點滴嘅相，並透露自己因為盲腸炎要即刻入醫院做手術外，仲冇得跟劇組《法證先鋒6》去日本取景，認真慘慘豬。而時隔2周，蔣家旻亦終於蒲頭，同粉絲分享近況。
蔣家旻日前喺社交網晒出自拍照，表示目前康復進度唔錯：「儘管精神良好，但上腹裏面還有一點疼痛。大動作或太使勁的運動也要稍後才能做。雖然現在甚麼都能吃，不過腸道還沒完全適應，油膩或刺激性食物，尤其零食，吃過後刺激胃部導致劇痛，所以最近還是要吃得清淡一點。」並分享道為咗令腸道恢復蠕動功能，手術後亦改變咗啲飲食習慣，例如直到依家都會慢慢咀嚼食物，咬碎後先吞落肚。
