古天樂和宣萱這對幕前CP似乎深得內地內容農場喜愛，每隔一段時間都會傳出兩人的婚訊甚至懷孕的喜訊，近日有內地網又瘋傳「古天樂突然高調表白宣萱！28年知己終成愛人！恭喜！」的消息，竟引來連登網民開po追問：「堅定流？」
有連登仔日前引用一張以「古天樂突然高調表白宣萱！28年知己終成愛人！恭喜！」為題的影片封面截圖，開po問大家：「古天樂向宣萱表白係堅定流？」並表示：「一直以為佢係基的。」
此po隨即引起連登網民熱討，不過大都係出言取笑po主「內容農場都信」、「見到個封面都知fake news」等，更有不少連登仔搞笑自稱係古天樂及宣萱本人，來親自證實婚訊。
亦有連登仔自認係古天樂身邊的知情人士，包括「我同古天樂打工」、「我係牧師」、「我係古天樂司機」、「我同古天樂frd底」、「我係作嗰個記者」、「我係嫪毐」等，更有連登仔搞笑指兩人「仔都生埋，叫項羽」！
有連登仔更列埋古天樂和宣萱「放閃」證據，指出：「早排有人訪問佢哋，問過佢兩個你哋聖誕有咩做，其中一個搶答我哋都係留喺屋企。」亦有網民趁機追問《尋秦記》電影版到底幾時會上映？
不過今次po文中所分享的影片，其實已是去年的舊片，只是近日重出。早在2019年7月，網上也曾瘋傳宣萱和古天樂於年底結婚的消息，並一度登上微博熱搜，引起亞洲各地媒體廣泛報道。
當時古天樂經理人曾急急澄清：「當然不是，網上甚麼都可以傳，不是事實。」古天樂及後現身活動時亦有親自開腔表示：「唔係事實，唔回應。」 同年10月兩人一同出席首映禮，古天樂再次強調並冇結婚這回事，還取笑在訪問中不太說話的宣萱：「佢平常喺片場講唔停，好似唔講嘢會死咁，就算去洗手間佢都會自己講嘢。」所以一定不會娶她。
文章版權為新傳媒集團所擁有，原文請按： 网页链接
