藝人岑麗香（香香）今日（30日）以大使身份出席保險公司活動。她表示因小朋友抵抗力差，為求安心故早已替囝囝投保：「都擔心囝囝返學會感染流感，不過又唔可以一直驚，要學識放低，最緊要做足準備，天氣凍着多啲衫、飲多啲水、食得健康、同食啲保健食品。」
她透露農曆新年會留港度歲，打算到花墟買年花，以及享受派利是：「我平時都有同小朋友一齊煮嘢食，係好好嘅親子活動，今年計劃同囝囝一齊整蘿蔔糕，以前我負責做媽咪嘅助手，今年第一次做主理。」她指小朋友開始長大，自己亦預備好投入工作，更笑言已得老公批准，可隨時接劇：「囝囝返學，我都可以返工，就算拍劇都ok。（小朋友會唔會唔捨你返工？）到時先算，其實我都鍾意做嘢，工作時會更加珍惜同小朋友相處時間，我同老公其中一個要出去公幹，另一個就會全程招呼小朋友。哈哈！」
藝人岑麗香（香香）今日（30日）…
