對於近日涉詐騙集團的新聞，問曾志偉有否感到煩擾？他說：「做這行我從來唔睇新聞，但實在太多，內地朋友都問候，更傳埋新聞來冇得唔睇。」曾志偉又笑言這是電影《無間道》中的韓琛才會做，之後他認真說：「最憎呃老人家錢，仲話拉咗我？我都仲喺台灣！如果是藝人身份我都不回應，但有職位在身一定要處理，所以出聲明回應。」
曾志偉還大鬧：「講真是要去面對，要同大家分享，現在太多網上假新聞，點解會誤導咁多人，其實對我影響唔太大，對於後生藝人好慘，會因為假新聞冇咗工作、好慘！其實不止這行業，假新聞害到好多人，甚至搞到小朋友自殺，佢哋整幾張相好容易，但就會影響人一生。所以假新聞會害好多人、大家唔好亂信，整假新聞的人都要問良心點解要咁做，三思三思！」曾志偉強調：「既然牽涉到犯罪我便要回應，因為假新聞有流量有人關注，大家見到假新聞唔好轉發。（採取法律行動？）之前發聲明，而家涉及詐騙同犯罪，會搵源頭查根究底，一定會告。」
