蘇韻姿（Andrea）憑演出處境劇《愛．回家之開心速遞》飾演「熊心如」為人熟悉，但自從年初被劇組交代「熊心如」到歐洲公幹後，蘇韻姿就一直少有浦頭，疑似被TVB雪藏。不過事隔五個月，蘇韻姿似乎成功解凍，連接兩個綜藝節目，工作接踵而來！
早前傳被TVB雪藏的蘇韻姿，近日都出現於《濠玩夏水禮》、《不可能任務》等多個綜藝節目。蘇韻姿喺兩個節目入面展現完全相反嘅魅力，於《濠玩夏水禮》就玩得夠放，而喺《不可能任務》就認真接受警隊訓練。蘇韻姿接受傳媒訪問時，表示拍攝綜藝節目感覺好新鮮，可以抱住新人態度應付新工作，仲話會把握每一次工作機會，因為每次拍攝都有嘢袋落袋。
蘇韻姿與蔡思貝、 謝嘉怡、邵珮詩、黃碧蓮及邢慧敏一齊上《不可能任務》接受「警察搜查隊」、「警察談判組 」等多個警隊專業訓練。蘇韻姿指《不可能任務》體能要求高，大家都很認真咁對待每一項任務。蘇韻姿仲話透過拍攝《不可能任務》認識到多個好朋友，大家互相鼓勵，好似返番以前讀書日子咁。
蘇韻姿出名身材好，喺《濠玩夏水禮》亦被網民大讚身材禾稈冚珍珠，蘇韻姿透露自己為咗陪媽媽周圍觀光嘆美食，所以肥咗唔少，不過自從媽媽返加拿大之後，就有乖乖做運動Keep Fit，早前亦有出海照大派福利。
有指蘇韻姿被踢出《愛回家》，是因為她開工時經常遲大到，而且不肯認錯，將責任推卸到PA（助導）身上，即使高層點名指摘，都屢勸不改，加上她入了《愛回家》5年多以來，演技都毫無進步，因此最終要被踢出《愛回家》。
現年29歲的蘇韻姿是2016年落選港姐，2017年，她開始加入處境劇《愛回家》，飾演熊心如一角成功入屋，至今已有5年多。早前一集《愛回家》突然交代熊心如要跟隨前男友TT朱天梯（梁証嘉飾）離開香港，到歐洲視察廠房，令不少睇好她和風少（陳浚霆飾）這對「失心風CP」的網民大感意外！
文章版權為新傳媒集團所擁有，原文請按： 网页链接
