ViuTV大型選秀節目《全民造星5》近日進行得如火如荼，一班參賽者都施展渾身解數，務求突圍而出。評判方面都好有睇頭，近日就邀請到前年離巢TVB嘅王君馨擔任評判，不過唔少網民就質疑其擔任評審資格，更狠批雖然王君馨已經離巢兩年，但都依然難脫大台味！
前年正式離巢TVB的王君馨近年搞作多多，又上內地跳舞選秀節目，又出新歌圓歌手夢，近日仲過檔以評審身份上ViuTV《全民造星5》。第一次做《造星5》評審嘅王君馨講嘢非常客氣，就算紅組學員唱到走曬音，王君馨依然給予鼓勵，話自己睇得好投入。
唔少網民都驚訝王君馨會出現於ViuTV，亦有網民質疑王君馨做評審嘅資格：「其實我唔明佢有咩資格做評判!?」、「隨時仲差過啲參加者」、「她唱歌也未能勝任，怎做評判」等。不過有網民就為王君馨平反，表示王君馨多年前已經在TVB《舞動奇跡》奪冠，又上過內地跳舞選秀節目《了不起舞社》，絕對有資格勝任評審一職。同時亦有網民狠批佢雖然已經離巢兩年幾，但依然難脫大台味。
今次上《全民造星5》除咗做評審之外，王君馨仲睇中大熱1號王鋒及18號Owen賴天恩，邀請兩位上自己首個個人演唱會擔任嘉賓。王君馨Grace將於今晚（06/08）在旺角麥花臣場館舉行首個個人演唱會《Light It Up G.Racie王君馨 1st Concert》，日前三人齊齊為演唱會作綵排，王君馨仲大讚兩人比參賽時進步咗好多！不過有網民就好奇點解王鋒同Owen兩人有時間綵排做嘉賓，懷疑王君馨是否劇透，暗示兩人已經淘汰。
文章版權為新傳媒集團所擁有，原文請按： 网页链接
