「36E無綫咪神」陳婉衡（Alycia）崇尚自然美，靠住行山同做運動成功操出健美好身材外，更不時喺社交網晒玲瓏浮凸好身材，性感蜜桃臀更成為佢嘅特色之一。
而最近熱衷於水上活動嘅陳婉衡，昨日（30日）就喺社交網晒出着比堅尼嘅靚相外，仲有張包到冚嘅防曬衣相，原來係成日玩得太開心唔記得搽防曬導致曬傷：「經過太多曬傷皮膚，變得怕怕。玩得太忘形，有時唔記得補防曬，都係着防曬衣最穩陣！」，至於向來誘人嘅美腿，陳婉衡就搞笑表示：「不過雙腿就可以曬黑少少，因為睇落瘦啲呀嘛！」雖然着咗防曬衣包得稍為密實，不過濕身後嘅浮凸好身材，仍令一班網友睇到眼定定，鼻血直流。
