歌手楊千嬅暌違4年開騷引哄動…

歌手楊千嬅暌違4年開騷引哄動，繼早前佢係廣州連開2場嘅露天巡唱，傳出場內場外都塞滿逾萬名歌迷，甚至有歌迷外圍紮營打牌等墟冚又離奇嘅場面後，今日竟然傳出楊千嬅騷衫出事！

有網友喺社交網晒出睇楊千嬅巡唱嘅相，現場人山人海相當墟冚外，網友更直指其中一套衫簡直係時裝災難，以金銀色布料同絲線為主嘅人魚尾裙擺同起晒角嘅膊頭，令人難以直視外，仲激似鹹魚、魷魚及杏仁糖等，更有網友戲稱似錫紙包住嘅茄子。