內地女星高圓圓憑出眾靚樣…

內地女星高圓圓憑出眾靚樣，甫出道就成功係一眾同期女星中突圍上位，更曾入選大陸前50美女，其後同內地男星趙又廷結婚組建幸福家庭。而早前同老公趙又廷低調現身機場嘅佢，即使頭戴Cap帽、口罩打扮樸素，仍難掩一身星味。從網友分享嘅畫面中可以見到，結婚9年嘅高圓圓同趙又廷全程拖到實外，仲有講有笑，羨煞旁人。

而堪稱「絕世好男人」嘅趙又廷，發現有粉絲影相時為保護囡囡隱私，更體貼度爆燈，先係請保母帶囡囡先行離開，再同老婆高圓圓一齊同粉絲打招呼，全程紳士舉動大獲好評。