台灣女星林心如製作嘅真人騷《光露營就很忙了》，新一集就邀請咗任容萱、李李仁、修杰楷及林柏宏去1200多米高海拔地方露營，而首次挑戰高難度上山露營嘅佢哋，先係行錯路後，再爬過九曲十八彎嘅山坡先終於到達目的地，並耗時1個鐘先搭好帳篷，雖然路途艱辛，不過最後映入眼簾嘅靚景都令眾人直呼：「好值得！」
而廚技出名嘅修杰楷，雖然係今次露營活動公認最佳拍檔，不過由於老婆賈靜雯淺眠嘅關係，佢就從未去過露營：「很想做這件事情，始終沒有去做，因為老婆（賈靜雯）淺眠，容易天亮或有聲音就起床，因此始終沒有跨過那一步。」
另外，李李仁就透露最近試過開露營車去露營，但因為路程崎嶇、瞓得唔舒服等關係，隔日起身閃親條腰外，仲要畀老婆陶晶瑩笑冇鬼用，真係冇咩好印象！
