男團MIRROR人氣王姜濤簡直雙喜臨門…

男團MIRROR人氣王姜濤簡直雙喜臨門，今日（30日）24歲生日，有大批姜糖陪慶生外，同時又適逢主演電影《盜月者》殺青，唔怪得姜濤玩到癲晒，跳埋上工作人員身上，任由對方孭住自己跑街！

繼昨日（29日）姜糖們喺商場為姜濤合唱生日歌後，殺青宴上劇組又再為姜濁準備蛋糕慶祝，導演袁劍偉亦喺社交網貼出二人合照，感性道：「姜，估唔到今年又是我同你慶生！生日快樂！開工快樂！」而姜濤就許願自己繼續保持謙卑嘅心態，認真抵讚又抵錫！