賭王兒子何猷君近日孖住妹妹何超欣…

賭王兒子何猷君近日孖住妹妹何超欣去美國睇騷，向來係愛妻號嘅佢今次竟冇帶埋太太奚夢瑤同行，原來因為奚夢瑤重返校園，於北京大學上堂，網上流傳一張奚夢瑤上堂時黑晒面嘅照片，笑指：「難怪奚夢瑤會不興奮，老公去音樂節，而自己卻要上課學習。」事後奚夢瑤亦對老公幽默表示：「你們的快樂吵到我學習了！」不過最大亮點，係有網民發現佢一身低調嘅返學Look，其實已價值不菲，着住嘅名牌衞衣價值5980元人民幣（約6800港元），而手機殼同樣係名牌出品，價值13920元人民幣（約15800港元），但網友亦指呢身行頭對豪門新抱而言，已經非常貼地。