林敏驄的「蘇格蘭場今天星閃閃林敏…

林敏驄的「蘇格蘭場今天星閃閃林敏驄暨車總腦交戰時日如飛40周年成人禮作品展演唱會之 PART 2更精彩」一連兩場的演唱會在昨晚舉行頭場。今年演唱會邀請到多位歌手明星擔任嘉賓,其中今年已經70歲的鍾鎮濤更帶傷上陣支持老友。不過鍾鎮濤臨走時就不小心於台上仆倒,被林敏驄取笑道:「可能佢跪拜我」。

林敏驄出道40週年的演唱會在昨晚舉行首場,嘉賓陣容星光熠熠,更邀請到鍾鎮濤擔任壓軸嘉賓,兩人在台上合唱譚詠麟名曲《愛在深秋》。當兩人合唱完,鍾鎮濤向台下觀眾鞠躬後準備離開舞台時,突然不小心失平衡,一下子仆在台上並且雙膝跪地,嚇到一班觀眾同林敏驄都即刻「哇哇」聲咁叫出嚟。

林敏驄事後馬上走上前,但當然亦唔放過取笑老友的機會,即刻話:「我喺呢邊,做乜拜嗰邊?」,並且在訪問中取笑對方:「可能佢跪拜我,畀咗啲好歌佢唱」。鍾鎮濤事後向傳媒解釋本身膝頭帶傷,因為喺台上太興奮,搞到跳多兩下就失平衡,表示要令大家擔心感到唔好意思。

此外,早前因為譚詠麟在《中年好聲音》中大爆林敏驄為《忘不了你》作詞的趣事,有睇節目嘅林敏驄即刻嬲爆發文怒罵。雖然林敏驄為譚詠麟寫過多首名曲,但昨晚譚詠麟竟然未有到場擔任嘉賓,林敏驄亦於演唱會現場不停揶揄譚詠麟。當嘉賓之一的小肥唱到譚詠麟的名曲《愛的根源》與《霧之戀》時,林敏驄不但大讚小肥唱得好過譚詠麟,仲問台下觀眾有冇人想睇譚詠麟唱歌,不過台下一片寧靜毫無反應,林敏驄即刻就話:「我哋啲觀眾真係有品味,無人想聽。」

今次林敏驄演唱會亦邀請到《下流上車族》的「車氏一家」擔任嘉賓,為了一脫「魔音」污名的郭柏姸在演唱會前勤力練歌,不過就好似效果麻麻,在演唱《跳舞街》的時候,郭柏姸依然繼續「魔音」,搞到林敏驄都忍唔住調侃道:「哎呀死得啦」,笑爆全場。

文章版權為新傳媒集團所擁有,原文請按: 网页链接






Leave a Reply

Your email address will not be published. Required fields are marked *