藝人馮盈盈今日(18日)…

藝人馮盈盈今日(18日)為無綫綜藝節目擔任嘉賓,之前有傳盈盈因工作量大減,故轉而修讀食物管理碩士?她否認說:「讀碩士一直係我嘅心願,上年12月底拍完劇集《妳不是她》,我就同公司請假,公司好支持同配合我,我想趁自己記性仲唔錯嘅時候去讀書,如果我依家唔讀,將來都唔會讀,所以唔關工作量事。」她稱課程為期一年,今年內就能畢業,問她是否意味着今年不會拍劇?她說:「睇公司點安排,如果唔撞期都可以,咁學校都有假期同會放暑假。(最近好少見到你?)因為要讀書,咁我都有工作冇停過,公司好好,配合到時間嘅工作都會搵我。(怕唔怕觀眾唔記得你?)我唔係消失或離開,我之前拍咗嘅劇集同節目都會陸續出街,遲啲我讀完書出嚟,畀個新感覺大家重新認識我。」

現場所見,她身形瘦了不少,她指沒有刻意減肥,可能因為上學而早睡早起令生活有規律所致,亦為變瘦而開心,問她學校有否靚仔同學?她稱沒有留意:「同班同學相處好融洽,冇因為我嘅藝人身份而有隔膜,不過一齊做Projet嘅組員都係女仔。(冇男同學接近你?)我哋個個返學都係專心讀書,唔會諗呢啲嘢。」

Leave a Reply

Your email address will not be published. Required fields are marked *