梁詠琪（Gigi）一連三場的紅館演唱會，今天（19日）來到尾場，頭兩場分別請到張敬軒、呂爵安（Edan）、陳蕾等人做嘉賓。來到第三場，晚上爆出商台DJ梁文禮疑似在私人Facebook Ac公審梁詠琪，表示梁詠琪唱歌難聽。
商台DJ梁文禮在頭場看完梁詠琪演唱會後，在IG限時動態中，大讚梁詠琪在台上好靚，但是在私人Facebook AC中卻大罵她的演唱會，寫道：
個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！ 連《愛自己》都入唔到呀大佬 我全晚都睇得好猛，坐立不安…… 唯一想讚嘅係，佢短頭髮真係好靚好襯佢，身形好， 將啲醜嘅衫都carry得好，好似呢件『着上一張抹完鼻血嘅紙巾』咁
梁詠琪完成尾場演出後，於記者會被問到對梁文禮出言不遜的看法，大方表示唔介意有批評聲音： 每個人睇騷都有自己嘅標準同期望⋯⋯我諗其實每一個作品，唔止演唱會，可能電影都好，有時睇完會有啲人鍾意，有啲人唔鍾意，每個人都會有自己抱住嘅期望或者標準，去睇一個作品，我覺得唔緊要。
梁詠琪表示今次已盡最大努力，同時承認有進步空間：「未必符合到每個人嘅期望，不過唔緊要，我仲會繼續做㗎嘛，我仲有進步嘅時間，所以希望大家俾時間我進步，繼續再做好啲！」又笑指有嚟睇過嘅人鍾意已心足，場內有記者問Gigi，如果將來在商業電台宣傳時見到梁文禮會否感尷尬，Gigi就笑指未「有時間諗呢個問題」。
期後不少網友留言寫道：「梁詠琪其實一直冇唱得好吖！本身只是一個錄音室歌手」、「唱得好就唔係Gigi啦」、「叫佢點評下mirror 」。
另一方面，亦有網民湧入梁文禮的IG留言「你就係擰轉背就話人嗰個？唔畀個讚你都唔得喇」「咁虛偽 都唔知你邊個真。商台咩人都有」
今次梁詠琪紅館演唱會開設三面台，用劇場表演的方式，配合舞台畫面設計，讀設計出身的Gigi在台上透露，今次每件歌衫都來自不同的本土計師，由海報造型開始，都希望可以表達今次演唱會主題——「既powerful又浪漫」。
文章版權為新傳媒集團所擁有，原文請按： 网页链接
