無綫在將軍澳電視城進行新春團拜，出席的包括無綫主席許濤與一眾行政人員，以及應屆港姐冠軍林鈺洧、亞軍許子萱、季軍梁超怡與友誼小姐邢慧敏。
當中最有驚喜的是「失蹤」多時的許子萱突然現身，她由去年尾一直缺席港姐活動，連昨日無綫向傳媒發出的採訪通告亦榜上無名，有傳她因抵受不了娛樂圈壓力，正與無綫傾解約「分手」。
團拜進行Bingo遊戲時，許子萱認真鴻運當頭，竟然連中3次Bingo，贏得高級枕頭、攪拌機與按摩墊獎品。司儀朱凱婷向高層笑言中了3次Bingo，是否要與公司簽30年約，而高層樂易玲也點頭示意讚好。

許子萱接受訪問指連中三次Bingo感到相當開心，笑言要買六合彩，剛過了本命年，希望今年繼續旺。對於由去年尾開始「失蹤」未有出席港姐活動，她說：「同公司請咗兩個幾月假，因為選港姐之前做金融公司，所以要返去內地交接返啲工作，有始有終，依家已經交接好，同舊公司亦冇合約，可以專注港姐嘅工作。」
講到有傳她因不堪娛樂圈壓力要求與無綫解約？她表示：「冇咁嘅事，自己冇乜優點，唯一嘅優點就係抗壓能力好強。」講到被網民指人品差，未有履行港姐職責與網民開火，她說：「係一個網民啫，我本身攻擊性唔係咁強，一般都唔會理會，但係呢位先生騷擾咗我好耐，仲打電話畀我，所以我先有咁嘅評論，客觀嘅意見自己會改進，如果係人身攻擊，我就會隊返佢，公司亦有協助處理。」
講到中了三次Bingo，司儀笑指要簽30年約她可願意？她笑說：「公司肯先算啦，可能公司都嫌我呢，自己就當然希望啦。」
此外，林鈺洧、季軍梁超怡與友誼小姐邢慧敏接受訪問時，講到有傳許子萱缺席活動多時，因不堪娛樂圈壓力要求解約？林鈺洧說：「我唔知佢咩原因請假，不過佢已經返嚟，所以新聞就唔正確，等佢遲啲想講就講。」她又直言未有聽聞她有壓力，如果她有需要，也可與她分享抗壓心得。
而無綫主席許濤就與總經理蕭世和、副總經理陳樹鴻主儀醒獅點睛儀式。主席許濤在台上致詞指隨着疫情政策放鬆，香港與內地通關，社會亦踏入復常，希望TVB各位同事都能夠上下一心發展好公司業務以及核心價值。他續指隨住2023年全球經濟復甦，TVB除了會鞏固本業內容創作，亦會加速發展增長業務，好似新媒體業務、中國與海外業務發展，以及跨平台電商，希望各位同事繼續發揮創意，全力以赴為TVB創造好成績。
