無綫「女神」張曦雯（Kelly）向來是孝順女一名，新年期間一直陪伴家人，日前還帶同父母到泰國旅行。Kelly此行大吃大喝，還吃了很多榴槤，大快朵頤，她昨日受訪時謂：「爹哋媽咪之前喺美國返嚟過年，趁返去之前我又未開工，就同佢哋嚟個短途旅程，對上一次嚟呢度已經係4年前拍《3日2夜》，感覺有啲奇怪，好似好熟悉，但又好陌生咁，因為實在太耐未做過遊客。」
向來身材正爆的她被問到為何不晒水着照時，她笑謂：「冇呀！因為我返嚟香港之後要開劇，唔可以曬黑，今次都係瘋狂按摩同食嘢，所以唔會着泳衣，太大壓力嘞！我情願食多啲開心啲。」
