藝人任達華去年曾透露編寫劇本，計劃今年自導自演一部港產片，令人期待。當時佢就曾笑言會為18歲愛女任晴佳（Ella）度身訂造劇本，估唔到近日就有消息指佢原來密密為愛女入行鋪路，被目睹拉埋名模愛妻琦琦，同多位內地猛料幕後人打邊爐，加上席間亦見內地影帝黃渤，即傳出任達華想搵眾人引薦Ella入行。
任達華今日（31日）就傳聞回覆東網，斷言華否認推愛女入行，佢就話自己同黃渤成10年冇見，知道對方來港度假，所以相約飯敍：「同黃渤成10年冇見面，平時見到都會嘻哈兩句，知佢哋嚟香港度假，咁就同佢哋食飯傾偈，冇講其他嘢，阿女嗰日都冇去，只係好朋友聚會吓啫。」現時他們一家人正在外地旅遊，暫未回港。
