黃子華、謝君豪、王丹妮…

黃子華、謝君豪、王丹妮、廖子妤、王敏德、何啟華、楊偲泳及栢天男主演的電影《毒舌大狀》於年三十(21日)開畫,開畫後票房日日稱冠。喺年初八(29日)宣布上映8日票房已衝破5000萬大關,電影亦喺馬來西亞成為單日票房冠軍,非常威水。香港唔少觀眾睇完之後,表示電影精彩,想再進場觀看,更講期待希望有加長版咁話。而早前發行商釋出嘅《毒舌大狀》製作特輯,驚見王丹妮、廖子妤兩女親熱畫面,疑鏡頭喺上畫時被刪走,有可能是想遷就內地電檢先有此對策。

睇返《毒舌大狀》在YouTube發布的製作特輯,畫面揭示咗電影原裝是有王丹妮同廖子妤親熱鏡頭,但戲院上畫時,畫面只見兩人坐得親密,未見有錫錫。其實一般港片都會安排在內地上畫,而中國國家廣電總局曾針對影視產業頒布咗「二十類題材審查及規避」禁令,當中規定同志題材「可轉為友情」,嚴打同性戀題材作品。所以唔排除《毒舌大狀》想為日後內地上畫鋪路,所以先狠刪女同性戀親熱鏡頭。

《毒舌大狀》製作特輯釋出畫面,驚見有幕王丹妮躺臥在床,廖子妤心急地擒上去,靚仔配角柏天男則企喺旁邊,做出疑似除衫嘅動作,令人遐想鏡頭同三人對戰有關,意識好大膽!難怪柏天男都話:「我未拍過咁激烈咁野性嘅一場,所以做咗好多準備!」

《毒舌大狀》內容精彩,觀眾戲院睇得夠爽,但從電影剪接睇得出,有部份鏡頭明顯剪走咗,部份內容只係含糊交代,電影票房咁好,自然討論度高。有觀眾羅列出對電影嘅疑問「廖子妤同王丹妮是否有真感情關係?」、「獄中對峙是否更深刻舊情?」、「 黃子華飾演的林涼水在服用「偉哥」後的戲份似乎被刪,他趕去醫院前,為討好權貴到底還發生了什麼荒唐事?」、「黃子華飾演的林涼水,拿着兩個膠水樽入廁所找主控官金遠山(謝君豪飾)這一幕戲還有後續?」、「主控官出來後為何強烈針對柏天男?唔知如果電影推出加長版,能唔能夠解答觀眾嘅疑問呢?」

《飯戲攻心》也是由安樂影片發行,香港票房口碑理想,但片商當時為通過內地審查,同樣狠刪部分內容,改完之後就連內地觀眾都有意見。當時電影交代黃子華同鄧麗欣的「閃片」在全家人面前竟外「流出」,觸發全家大戰,而內地上映時含有「閃片」情節同鏡頭都被徹底刪走;當時內地版《飯氣攻心》片名都改埋,改做《還是覺得你最好》,內地網民反而覺得唔夾,指新名失去原本港式幽默味道不文不類,並表示好難令人記住,趕客味濃。

文章版權為新傳媒集團所擁有,原文請按: 网页链接


Leave a Reply

Your email address will not be published. Required fields are marked *