無綫藝人譚凱琪（Zoie）雖然已為人妻，更做埋媽咪，但樣子與身材跟以前一樣，Keep得甚好，日前她於社交平台晒出一雙白滑長腿照片，相當吸睛，不少網民都大讚她索到爆，簡直由頭靚到落腳趾尾。Zoie的女兒Gabri現時3歲，長得相當活潑可愛，新年期間，難得不用開工，靚媽Zoie都留在家中陪伴囡囡，她接受東網訪問時謂:「我依家拍緊新劇《異空感應》，放假都係喺屋企陪家人，同家人團拜，因為有好多親戚喺外國返咗嚟，佢哋都係第一次見Gabri。」
此外，Zoie又於社交平台限時動態上載了一張刮痧後的照片，整個大滑玉背有多條又粗又長的紅痕，相當嚇人，她更配文：「第一次刮痧，新年把身體嘅毒素刮走，Thank you姐姐！」Zoie受訪時坦言：「我見有少少咳，印尼姐姐話佢哋好興咁，咪畀佢刮一刮痧，我都係第一次試咋！」
